Ոստիկանությունը ձերբակալել է դեռևս չկարգված «օրենքով գողի» (ֆոտո)
2012-03-20 16:29
Ոստիկանության քրեական հետախուզության գլխավոր վարչության աշխատակիցները, իրացնելով օպերատիվ տվյալները, քիչ առաջ Երևանի Տիչինայի
ՇՏԱՊ. Ոստիկանները հայտնաբերել են «Ալեն-Էլեն»-ում նռնակ պայթեցրած երիտասարդին (ֆոտո, տեսանյութ)
Posted on 2012-03-20 12:18
Ոստիկանության քննչական գլխավոր վարչության Երևանի քննչական վարչության, Կենտրոնականի քննչական բաժնում քրեական գործ է հարուցվել այսօր` կեսգիշերին, «Ալեն-Էլեն» ժամանցային կենտրոնում տեղի ունեցած պայթյուն-հրդեհի փաստով: Ինչպես News.armeniatv.com-ին հայտնում է ֆոտոլրագրող Գագիկ Շամշյանը, ոստիկանության Կենտրոնականի բաժնի աշխատակիցները օպերատիվ տվյալները իրացնելիս դեպքից մի քանի ժամ անց` լուսաբացին, գործողության մեջ դնելով «Զախվատ» օպերացիան, հայտնաբերել և ոստիկանություն բերման են ենթարկել Ավան վարչական շրջանի բնակիչ, 29-ամյա Վարդան Դեմիրճյանին:
Վերջինս կասկածվում է այն բանում, որ ցանկացել էր մուտք գործել «Ալեն-Էլեն», սակայն ակումբի անվտանգության աշխատակիցները արգելել են նրան մտնել ներս, որից հետո նա իր մոտ եղած նռնակը նետել է ներս, ինչի հետևանքով առաջացել է պայթյուն և հրդեհ:
Ներսում գտնվող քաղաքացիներին օգնություն են ցուցաբերել փրկարարները:
Կենտրոնականի քննչական բաժնի քննիչի որոշմամբ Վ. Դեմիրճյանը ձերբակալվել է, իսկ նրա նկատմամբ հարուցվել է քրեական գործ` ՀՀ քրեական օրենսգրքի 34 (հանցափորձը) 104 հոդվածի 2-րդ մասի 2-րդ և 6-րդ (սպանությունը, անձի կամ նրա մերձավորի, կապված այդ անձի կողմից իր ծառայողական գործունեության կամ հասարակական պարտքի կատարման հետ, շատերի կյանքի համար վտանգավոր եղանակով), 185 հոդվածի 2-րդ մասի 1-ին կետի (գույքը դիտավորությամբ ոչնչացնելը կամ վնասելը որը կատարվել է հրկիզման, պայթյունի կամ հանրավտանգ այլ եղանակով) և 235 հոդվածի 1-ին մասի (ապօրինի կերպով զենք, ռազմամթերք պահելը, կրելը) հատկանիշներով:
Նշանակվել են մի շարք փորձաքննություններ, և քիչ առաջ Վ. Դեմիրճյանը տեղափոխվեց ոստիկանության Երևան քաղաքի վարչության ձերբակալվածների պահման վայր:
Նախաքննության շահերից ելնելով որոշ մանրամասներ չենք հայտնում: Քիչ առաջ ֆոտոլրագրող Գագիկ Շամշյանը News.armeniatv.com-ին հայտնեց, որ ոստիկանության Կենտրոնականի քննչական բաժնում հարուցված քրեական գործը, ուղարկվեց ոստիկանության քննչական գլխավոր վարչություն:
Լուսանկարները և տեսանյութը՝ Գագիկ Շամշյանի:
.jpg)
