Ժողովուրդ. Հարցաքննության է հրավիրվել «Սիվիլիթաս» հիմնադրամի տնօրենը
2012-06-15 10:47
«Ժողովուրդ»-ի ունեցած հավաստի տեղեկություններով` ՀՀ ազգային անվտանգության ծառայություն հարցաքննության է հրավիրվել «Սիվիլիթաս»
ՉԻ. Արմեն Գևորգյանի այցից հետո Գյումրիի քաղաքապետի գործերը թարս են գնում
Posted on 2012-06-15 10:58
«Չորրորդ ինքնիշխանության» մատուցմամբ`այն օրվանից, երբ Գյումրիի քաղաքապետ Վարդան Ղուկասյանը չբարեհաճեց դիմավորել տարածքային կառավարման նախարար Արմեն Գևորգյանին, այդ օրվանից նրա գործերը սկսել են թարս ընթանալ: Գյումրիում համառորեն կարծիքներ են պտտվում այն մասին, որ այցից հետո ավելի լարված ու կաշկանդված մթնոլորտում են սկսել աշխատել մարզպետարանի ու քաղաքապետարանի աշխատակիցները: Ասում են` երկու կառույցներն էլ զուգահեռաբար փորձում են իրար վրա լուրջ «չեպեներ» բռնել, որի ձայնը կարող է հասնել մինչև մայրաքաղաք: «Ավելին, ըստ նույն լուրերի, քաղաքապետարանում անգամ փոքր թղթաբանության հետ կապված խնդիրները արհեստականորեն ձգձգում են` ֆոն ստեղծելով, թե մարզպետարանի թելադրանքով ու ասելով չէ, որ իրենք պետք է ցանկացած խնդրի շուրջ օպտիմալ արձագանքեն: Իսկ որ ամենահետաքրքիրն է` Վարդան Ղուկասյանն էլ իր հերթին, քաղաքապետարանում անցկացված նիստերից մեկի ժամանակ անկեղծորեն խոստովանել է. «Էս իմ քաղաքն է, ես ստեղ ծնվել եմ, ստեղ էլ պիտի ապրեմ, ում ձեռք չի տա էս ամենը,էտ արդեն իրա պրոբլեմն է: Թեկուզ, որ ես քաղաքապետ էլ չդառնամ, մեկ է, ես եմ էս քաղաքի տերը»:
Թերթի հետ զրույցում Շիրակի մարզպետ Աշոտ Գիզիրյանն ասել է. «Մեր գործերը նորմալ են, լարվածություն չկա, և որևէ խնդիր չկա, իսկ ինչ է եղել որ»:
Թերթի այն հարցին, թե ինչով է պայմանավորված այն հանգամանքը, որ Վարդան Ղուկասյանը այլևս ոչ մի մարզային միջոցառման չի մասնակցում, մարզպետը պատասխանել է. «Նման բան չկա, խնդրում եմ այդ հարցով իրեն դիմեք: Եթե միջոցառում լինում է, նա մասնակցում է: Իսկ թե առաջիկայում նա կառաջադրի իր թեկնածությունը, թե ոչ` անկեղծորեն դրանից տեղյակ չեմ զանգեք, իրեն հարցրեք»:
