Երկիր. ՀՀԿ-ում բացատրական աշխատանք է տարվում
2012-06-15 11:37
«Երկիրը» գրել է. «ՀՀԿ-ական պատգամավորներն ու նախարարները որոշել են այս ամառ մի լավ հանգստանալ, քանի որ հասկանում են առաջիկայում թե
ՀԺ. Ֆանտազիա՞, թե՞ արտահոսք
Posted on 2012-06-15 11:19
«Հայկական ժամանակը» գրում է, որ երեկ երեկոյան Երևանի Թումանյան փողոցում թերթի թղթակիցը նկատել է ՀՀ նախկին ոստիկանապետ, այժմ Սերժ Սարգսյանի խորհրդական Ալիկ Սարգսյանին` զբոսնելիս: «Իհարկե, տարօրինակ ոչինչ չկա, որ պաշտոնյան փողոցում զբոսնում է, բայց Ալիկ Սարգսյանի երեկվա զբոսանքը սովորականների շարքից չի եղել: Կարելի է ասել, որ դա քաղաքական զբոսանք էր, եթե կուզեք` քաղաքական ակցիա: Նախկին ոստիկանապետը քաղաքի կենտրոնում զբոսնել է, որպեսզի մարդկանց ապացուցի, որ իր հետ ոչինչ չի պատահել, և ինքը շարունակում է ազատության մեջ գտնվող նախկին պաշտոնյա մնալ: Ալիկ Սարգսյանը հենց այդպես էլ ասել է մեր թղթակցին, որ զբոսանքի է դուրս եկել, որպեսզի մարդիկ իրեն տեսնեն և համոզվեն, որ իր մասին տարածվող լուրերը սուտ են: Իսկ լուրերը, որոնք նա ցանկացել է զբոսանքով հերքել, նախկին ոստիկանապետին ձերբակալելու մասին էին: Այդ լուրը երեկ երեկոյան տարածել էր էլեկտրոնային կայքերից մեկը: Չնայած, այդ կայքը առանձնապես հանրությանը հայտնի չէ, բայց միևնույնն է` լուրը կայծակնային արագությամբ տարածվեց համացանցում, իսկ այնտեղից էլ՝ հանրության շրջանում: Ուստի, երբ լուրի տարածումից մի քանի րոպե անց «ՀԺ»-ի թղթակիցը զանգահարել էր Ալիկ Սարգսյանին, նա արդեն ամեն ինչից տեղյակ` անմիջապես շտապել էր հերքել իրեն ձերբակալելու մասին տեղեկությունը: Ըստ նախկին ոստիկանապետի, լուրը անհեթեթության և ինչ-որ մեկի երևակայության արդյունք է»:
Հարցին` «Դուք Սերժ Սարգսյանի հետ հանդիպո՞ւմ եք. որովհետև օրերս գրել էին, որ ձեզ լիովին մեկուսացրել են», Ալիկ Սարգսյանը պատասխանել է. «Ես այսօր նախագահականում եմ աշխատում: Եթե հարց է լինում, ինքն ինձ հրավիրում է, եթե ես եմ հարց ունենում, ես եմ իրեն զանգում: Նորմալ աշխատում եմ, ինչի՞ մասին է խոսքը, նման թեմա չկա»,- գրում է թերթը:
