«Մոսկվիչը» հայտնվել է Ազատ գետում, վիրավորներին գետից դուրս են բերել գյուղացիներին ու ոստիկանները (ֆոտոշարք, տեսանյութ)

Posted on 2012-06-22 21:10

Այսօր՝ հունիսի 22-ին, ճանապարհատրանսպորտային արտակարգ պատահար է տեղի ունեցել Արարատի մարզում։

Ինչպես դեպքի վայրից News.armeniatv.com-ին հայտնում է ֆոտոլրագրող Գագիկ Շամշյանը, ժամը 19։00-ի սահմաններում Երևանի բնակիչ 25-ամյա Ազատ Վարդապետյանը, վարելով «Մոսկվիչ-412» համարանիշի ավտոմեքենան, Արարատի մարզի Լանջազատ գյուղում Ազատ գետի վրայով անցնող կամրջից ընկել է և հայտնվել գետի մեջ։

Վթարի պահին նշված հատվածում, որը համարվում է հանգստի գոտի, իրենց ծառայությունն են կատարելիս եղել Ոստիկանության Արտաշատի բաժնի աշխատակիցները, ովքեր Լանջազատի գյուղացիների և գյուղապետ Հրայր Հակոբջանյանի օգնությամբ կարողացել են ջրից դուրս բերել վարորդին և վիրավորներ 1959թ. ծնված Վիկտորյա Դանաչյանին և 1977թ. ծնված Քրիստինե Քաջոյանին։

Վերջիններս տեղափոխվել են Արտաշատի բժշկական կենտրոն։ 

Դեպքի վայր են ժամանել նաև Ոստիկանության Արտաշատի բաժնի օպերատիվ խումբը՝ Արտաշատի ոստիկնանապետի օպեր գծով տեղակալ Արթուր Մկրտչյանի գլխավորությամբ։

Տեղում է նաև Ոստիկանության քննչական գլխավոր վարչության, Արարատի մարզի քննչական բաժնի քննիչ Սերգեյ Հովհաննիսյանը, ում կողմից փաստի առթիվ նյութեր են նախատրաստվում։

Դեպքի վայրում աշխատում են նաև Ճանապարհային ոստիկանության 2-րդ սպայական գումարտակի 1-ին վաշտի 2–րդ դասակի տեսուչները Ռոման Ասատրյանի գլխավորությամբ։ 

Քննիչի հանձնարարականով վթարի վայր է բերվել վերամբարձ կռունկ և քարշակ ավտոմեքենա, որպեսզի ավտոմեքենան ջրից դուրս բերվի և տեղափոխվի Արտաշատի բաժնի հատուկ պահպանման վայր։

Ժամանել են նաև ՀՀ արտակարգ իրավիճակների նախարարության Հայաստանի փրկարար ծառայության Արարատի մարզի փրկարար վարչության Արտաշատի հրշեջ փրկարարները։

Գագիկ Շամշյանը հայտնում է , որ նշված կամուրջը անբարեկարգ վիճակում է և կամրջի կողքերում բացակայում են երկաթյա արգելապատնեշները, ինչին գյուղապետ պատասխանել է, որ կամուրջը նոր է կառուցվել, իսկ արգելապատնեշները դեռ նոր պետք է տեղադրվեն։

Լուսանկարները և տեսանյութը` Գագիկ Շամշյանի

Share |

Դիտումներ:

Հարակից լուրեր

Հրազդանի կիրճով բարձրանալիս «Օպել»–ում հրդեհ է բռնկվել, վարորդը հասցրել է ժամանակին դուրս գալ (ֆոտոշարք, տեսանյութ)
2012-06-23 11:30
Այսօր՝ հունիսի 23-ին, արտակարգ պատահար է տեղի ունեցել Երևանում։Ինչպես դեպքի վայրից News.armeniatv.com-ին հայտնում է ֆոտոլրագրող Գագիկ Շամշյանը,
Կարդալ ավելին »



Հարսնաքարի դեպքի մանրամասներն ու ձերբակալությունները, հայտնի «օրենքով գողից» մինչև մերօրյա ջեպկիրներ, ի՞նչ արժե արհեստական բեղմնավորումը և մարդկային ճակատագրերն: Դիտեք հունիսի 24-ին` ժամը 22-ին, «Սուր անկյուն» հաղորդման եթերում
2012-06-22 23:59
Կարդալ ավելին »



«Հարսնաքարում» բժիշկներին դաժանաբար ծեծողներից 4 հոգին կալանավորվեցին և տեղափոխեցին բանտ (ֆոտո)
2012-06-22 19:04
Այսօր՝ հունիսի 22-ին, ժամը 17։00-ին, Երևան քաղաքի Կենտրոն, Նորք–Մարաշ վարչական շրջանների ընդհանուր իրավասության դատարանից «Նուբարաշեն»
Կարդալ ավելին »



35-ամյա տղամարդը փորձել է վերջ տալ կյանքին՝ սեփական ավտոմեքենայով ձորն ընկնելու միջոցով (ֆոտո)
2012-06-22 18:47
Ոստիկանության Նաիրիի բաժնի հետաքննչական բաժանմունքում նյութեր են նախապատրաստվում երեկ՝ հունիսի 21-ին տեղի ունեցած մի արտառոց դեպքի
Կարդալ ավելին »