Համագյուղացիներից մեկը բռունցքով հարվածել ու կոտրել է մյուսի քիթը
2012-06-30 14:15
Հունիսի 29-ին, ժամը 14.15-ին, հիվանդանոցից ոստիկանության Տաշիրի բաժնում ահազանգ է ստացվել, որ «քթոսկրի կոտրվածք` քթային
«Մագա դանսի» ղեկավարի գործով դեպքի վայր էր բերվել մահվան պատճառ դարձած վարորդը (ֆոտո, տեսանյութ)
Posted on 2012-06-28 16:48
Այսօր՝ հունիսի 28-ին Ոստիկանության քննչական գլխավոր վարչության Երևանի քննչական վարչության Ճանապարհատրանսպորտային հանցագործությունների քննության բաժնի հատկապես կարևորագույն գործերով ավագ քննիչ Արտաշես Վանյանը և նույն բաժնի քննիչ Կարեն Գրիգորյանը քննչական փորձարարական աշխատանքներ կատարելու համար «Նուբարաշեն» քրեակատարողական հիմնարկից Երևանի Խանջյան փողոց են բերել Արագածոտնի մարզի Ապարան քաղաքի բնակիչ 29-ամյա Ռոման Հակոբյանին:Ինչպես դեպքի վայրից News.armeniatv.com-ին հայտնում է ֆոտոլրագրող Գագիկ Շամշյանը, վերջինս այս տարվա հունիսի 13-ին Երևանի Խանջյան փողոցում տեղի ունեցած ավտովթարին մասնակից «ԲՄՎ» մակնիշի 33 LD 321 համարանիշի մեքենայի վարորդն էր և նշված վայր էր բերվել ավտովթարի մանրամասները ներկայացնելու համար:
Ինչպես ավելի վաղ News.armeniatv.com-ին հայտնել էր Գ. Շամշյանը, նշված օրը գիշերը ժամը 1.30-ի սահմաններում Ռոման Հակոբյանը, վարելով վերը նշված ավտոմեքենան, Խանջյան փողոցում դուրս էր եկել երթևեկելի գոտուց և բախվել թիվ 32 էլեկտրասյանը։ Վթարի հետևանքով վարորդին և 4 ուղևորներ մարմնական ծանր վնասվածքներով տեղափոխել էին Երևանի թիվ 1 համալսարանական հիվանդանոց։
Գ. Շամշյանը հայտնել էր նաև, որ նրանցից մեկին տեղափոխել էին Սբ Գրիգոր Լուսավորիչ բժշկական կենտրոն, որտեղ էլ նա մահացել է։ Դեպքի վայրում հավաքվածները ֆոտոլրագրողին պատմել են, որ բոլոր վիրավորները պարողներ էին։ Իսկ ավելի ուշ հիվանդանոցի մոտ Գ. Շամշյանին պատմել են, որ մահացածը հայտնի պարուսույց, «Մագա-դանս» պարի համույթի ղեկավար Մարգարիտա Գիժլարյանն էր։
Քննիչի որոշմամբ Ռոման Հակոբյանը ենթարկվել էր բժշկական հետազոտման: Պարզվել էր, որ նա մեքենան վարել է ոչ սթափ վիճակում:
Հենց ավտովթարի օրը Ոստիկանության Քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Կարեն Գրիգորյանի որոշմամբ Ռոման Հակոբյանը ձերբակալվել էր:
Ինչպես News.armeniatv.com-ին հայտնել էր ֆոտոլրագրող Գագիկ Շամշյանը` Ռոման Հակոբյանը աշխատում էր «ԴԱՎԻԵԼ ՌԵԼԻ» անշարժ գույքի գործակալությունում որպես տնօրեն:
Ձերբակալման հաջորդ օրը՝ հունիսի 14-ին, Երևանի Կենտրոն Նորք Մարաշ վարչական շրջանի ընդհանուր իրավասության դատարանի որոշմամբ Ռոման Հակոբյանի նկատմամբ կիրառվեց երկամսյա խափանման միջոց՝ կալանք:
Լուսանկարները և տեսանյութը՝ Գագիկ Շամշյանի
