Սիլվեստր Ստալոնեի որդին մահացել է
2012-07-14 18:59
Հայտնի դերասան Սիլվեստր Ստալոնեի որդին մահացել է. նրա մարմինը հայտնաբերել են Հոլիվուդի իր բնակարանում: Սեյջի մարմնի մոտ դեղահաբեր են
Ոստիկանությունը բացահայտել է «ԱրմենՏելի» Սպիտակի բաժանմունքի վրա այս գիշեր կատարված ավազակային հարձակումը (տեսանյութ, լուսանկարներ)
Posted on 2012-07-13 15:48
Այսօր՝ հուլիս 13-ին Ոստիկանության Լոռու մարզային վարչության և Ոստիկանության Սպիտակի բաժնի օպերատիվ խմբերը բացահայտել են այսօր գիշերը Սպիտակում տեղի ունեցած ավազակային հարաձակման դեպքը:Ինչպես Սպիտակից news.armeniatv.com-ին հայտնում է ֆոտոլրագրող Գագիկ Շամշյանը, ժամը 04.55-ի սահմաններում «ԱրմենՏել» ՓԲԸ Սպիտակի կապի հանգույցի անվտանգության աշխատակից Վռամ Ղազարյանը Ոստիկանության Սպիտակի բաժին ահազանգել է, որ ժամը 03.30-ի սահմաններում դիմակավորված երկու անհայտ անձ բաց պատուհանից մուտք են գործել կապի հանգույցի վարչական շենք, որը գտնվում է Սպիտակ քաղաքի Շահումյան 5 հասցեում, դանակի և պտուտակահանի սպառնալիքով իրեն կպչուն ժապավենով կապել են աստիճանավանդակից, որից հետո այնտեղ եղած վաճառասրահից հափշտակել են տարբեր տեսակի 11 հեռախոս և 3 հատ նոթբուք համակարգիչ:
Որոշ ժամանակ անց Ոստիկանության Լոռու մարզի վարչությունում ստեղծվել է օպերատիվ խումբ, որտեղ ներգրավվել են նաև Սպիտակի ոստիկանները: Մինչև լուսաբաց Ոստիկանությունը օպերատիվ տվյալներ է ստացել, թե գիշերը այդ ժամին ովքեր են եղել նշված տարածքում:
Այսօր՝ ժամը 15.30-ի սահմաններում Լոռու մարզի ոստիկանները ավազակային հարձակում կատարելու կասկածանքով Սպիտակի Ոստիկանության բաժին բերման են ենթարկել նույն քաղաքի բնակիչ 22-ամյա Վարդան Սահակյանին: Ֆոտոլրագրողը հայտնում է, որ վերջինս ոստիկաններին պատմել է իր ընկերոջ հետ կատարած հանցագործությունը և մատնացույց է արել հափշտակված ապրանքների այն վայրը, որտեղ թաքցրել են գողոնը:
Գ. Շամշյանը հայտնում է, որ իր տեղեկություններով Վ. Սահակյանը սովորում է Մխիթար Հերացու անվան Երևանի պետական բժշկական համալսարանի երրորդ կուրսում` անվճար ուսման համակարգում:
Ոստիկանությանը հայտնի են նաև նրա հանցակից ընկերոջ տվյալները, ում հայտնաբերելու համար օպերատիվ քննչական միջոցառումներ են ձեռնարկվում:
Փաստի առթիվ Ոստիկանության քննչական գլխավոր վարչության Լոռու մարզի քննչական բաժնի Սպիտակի քննչական բաժանմունքում նյութեր են նախապատրաստվում:
Լուսանկարները և տեսանյութը` Գագիկ Շամշյանի
