Մահվան ելքով վրաերթ Իսակովի պողոտայում. վարորդը դիմել է փախուստի (լուսանկարներ)

Posted on 2012-08-02 09:52

Այսօր` օգոստոսի 2-ին, վրաերթ է տեղի ունեցել Երևանում: Ժամը 04:30-ի սահմաններում Իսակովի պողոտայում ճանապարհային ոստիկանության վարչական շենքի հարևանությամբ անհայտ մակնիշի և համարանիշի ավտոմեքենայի վարորդը վրաերթի է ենթարկել հետիոտնին և թողնելով անօգնական, դիմել է փախուստի:

Ինչպես դեպքի վայրից News.armeniatv.com-ին հայտնում է ֆոտոլրագրող Գագիկ Շամշյանը, վրաերթի ենթարկվածը տեղում մահացել է:

 

Դեպքի վայր են ժամանել ոստիկանության Մալաթիա-Սեբաստիա բաժնի օպերատիվ խումբը, ինչպես նաև ճանապարհային ոստիկանության 1-ին սպայական գումարտակի աշխատակիցները:

Դատաբժշկի նախնական եզրակացությամբ` վրաերթի հետևանքով մահացած տղամարդը` կլինի մոտ 30-35 տարեկան:

Դեպքի վայր են ժամանել նաև ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Տիգրան Վարդանյանը, քննչական բաժնի պետի տեղակալ Կարեն Ստեփանյանի գլխավորությամբ:

Ոստիկանությունը ձեռնարկում է օպերատիվ քննչական գործողություններ, ճշտելու ինչպես մահացածի ինքնությունը, այնպես էլ փախուստի դիմած վարորդի տվյալներն ու ավտոմեքենայի մակնիշը:

ՃՏՀ քննության բաժնի քննիչ Տիգրան Վարդանյանի կողմից փաստի առթիվ հարուցվել է քրեական գործ ՀՀ Քրեական օրենսգրքի 242 հոդվածի 2-րդ մասի (ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ), և 244 հոդվածի (ճանապարհատրանսպորտային պատահարի վայրը թողնելը) հատկանիշներով:

Լուսանկարները՝ Գագիկ Շամշյանի

Share |

Դիտումներ:

Հարակից լուրեր

Ավտովթար` Արցախում. «Օպել»-ի վարորդը տեղափոխվել է հիվանդանոց (ֆոտո)
2012-08-01 22:50
Այսօր` ավտովթար է տեղի ունեցել Արցախի Հանրապետությունում:Ինչպես News.armeniatv.com-ին հայտնում է ֆոտոլրագրող Գագիկ Շամշյանը, ժամը 19.30-ի
Կարդալ ավելին »



Ավտովթար` Դավիթ Անհաղթ-Ուլնեցի փողոցների խաչմերուկում. կա 2 վիրավոր
2012-08-01 19:13
Այսօր` օգոստոսի 1-ին, ավտովթար է տեղի ունեցել Երևանում: Ժամը 17.30-ի սահմաններում Դավիթ Անհաղթի և Ուլնեցու փողոցների խաչմերուկում իրար են
Կարդալ ավելին »



24 գրամ մարիխուանա` Միացյալ Նահանգներից ուղարկված ծանրոցում
2012-08-01 17:00
Երևանում բնակվող Միացյալ նահանգների քաղաքացի Ալեքս-Էմիլ Միրզայանսին ուղարկված ծանրոցի նախնական զննման ժամանակ վարչության
Կարդալ ավելին »



Վլադիմիր Ամբարցումովը խոստովանել է 9-ամյա աղջկա բռնաբարության և սպանության մեղքը
2012-08-01 15:16
Պյատիգորսկում 9-ամյա Աննա Պրոկոպենկոյի բռնաբարության և սպանության կասկածանքով ձերբակալված 40-ամյա Վլադիմիր Ամբարցումովը, որը նոր է
Կարդալ ավելին »



«Լադա»-ն և վերամբարձ կռունկը բախվել են իրար (ֆոտո)
2012-08-01 14:52
Այսօր` օգոստոսի 1-ին, ավտովթար է տեղի ունեցել Երևանում:Ինչպես դեպքի վայրից News.armeniatv.com-ին հայտնում է ֆոտոլրագրող Գագիկ Շամշյանը, ժամը 13.40-ի
Կարդալ ավելին »